بتكلم عن التعارف عموما

مساء الخير عليكم
كنت النهارده بتكلم مع نفسى
لحد أمتى ياواد هتفضل لوحدك كده
أنا طالع رابعه معهد وأبيض كده مفيش بنات خالص؟
شكلى بقا وحش أوى وكل أصحابى الشباب مظبتين مه بنات وأنا أخرى أتفرج عليهم؟
ساعتها فكرت أدخل على البروفيسير جوجل وأسأله
يمكن لعل وعسى يكون عنده الحل لمشكلتى
فتحت الكمبيوتر ووصلت اليو إس بى
وشغلنا النت وسألت جوجل
إزاى توقع البنت فحبك
وجوجل بصراحه مبخلش عليا
إدانى كميه إجابات لو نفذت نصها أبقى فالانتينو
ودى كانت إجابه من الإجابات




البنت بتحب الولد الى


أولا : البنت بتحب الولد التقيل
خلى دمك تقيل عليها
سوق الرخامه عليها سوق التلامه والغلاسه ولو ما بتعرفش
تسوق
طلع
رخصه..... مطلعتش....اضرب رخصه

ثانيا : البنت بتحب الولد الغنى
اسرق .... انهب ..... اعمل اى حاجه عشان يبقى عندك فلوس
فلوس
كتير... كتير اوى اوى اوى كمان
مره ..
مش
ضرورى حلال يستحب انها
تكون كمان حرام
عشان تحس ان انت كريم عبد العزيز فى حرميه كيجى2 ولو
ما عندكش فلوس .......وفاشل يا فاشل يا ابن الفقراء
الفاشلين استهبل
ارسم عليها انك غنى
اشتغلها.. هو انت يعنى لاقى شغل يا فاشل اشتغلها
واعملها شغلانتك



ثالثا : البنت بتحب الولد الى ماتفهموش
خليك متخلف فى اسلوبك وطريقتك
معاها خليك اهبل فى كلامك
ماتديهاش كلمه
مفيده ابدا تفهمها منك وان فهمت كلمه منك
ارجع قولها عكسها خليها تتهبل ولا تفهمش حاجه
خالص


رابعا : البنت بتحب الولد الكداب
افتح عليها علب احكيلها عن رحلاتك للمريخ وغزواتك وفتوحاتك
كلمها عن اختراعك للبنسلين وعن قدراتك الخارقه على الطيران وقرايه افكار
الناس
وانك بتعرف كل حاجه فى الدنيا واهم حاجه انك بتعرف هى بتروح فين كل يوم
وبتخرج تهبب ايه وتقابل مين

خامسا :البنت بتحب الولد الحبوب المحبوب
استخف نفسك وخليك كده فريش طول الوقت وغلس على كل خلق الله
وهزر فى اى وقت وبداعى ومن غير حسسها ان كل الناس بتحبك تهزر معاهم




سادسا : البنت بتحب الولد الى مش راجل
خليك ناعم كده وبسكوته وحساس اوى خالص جدا موت عالاخر ياااااى حس شويه



سابعا :البنت بتحب الولد الى يفهمها انها احلى بنت
اوصفلها فى جمالها واحكيلها قد ايه هى فاتنه
وحلاوتها مدوباك ومسهراك يا حبه عين امك
وان هى الوحيده فى العالم الى حلوه وهى بس الى يتبصلها
لان البنت لازم تحس انها احلى واحده لان ماعندهاش عقل يفهم
ان ربنا فضل الناس على بعض فى خلقها واشكالها




ثامنا : البنت تموت فى الولد الى شكله معتوه
البس لبس غبى ....لازم تسقط البنطلون ولازم كل الناس تشوف هدومك الداخليه
البس تيشيرتات مرسوم عليها فران وكلاب وحمير
البس جزم حمرا وكوتشات خضرا وخليك بلياتشو
حاول تغير فى اسلوب لبسك البس هدومك بالمقلوب وبرضه ما تنساش تسقط
البنطلون
طول شعرك ونزله على عنيك ولو شعرك اكرت طوله برضه واحلق خط بعرض 3سم فى نص
راسك بالطول
لو عمر دياب مره حلق حواجبه اوع تتردد اديها حواجب قرعه
علطول



تاسعا : البنت بتحب الولد التافه
اتكلم ع التمثيليات وبرامج التليفزيون والاغانى الجديده
والفيديو
كليبات و والمطربات والمطربين وخد بالك من النقطه الجايه دى بقى
اقنعها ان انت صوتك حلو وبتغنى وقريب هيكتشفو
موهبتك وهيخلوك تغنى فى برنامج مواقف وطرائف الحيوانات




عاشرا : البنت تحب الولد الى بيحب غيرها
عمرك سمعت عن بنت حبت واحد
بيحبها
لاء
طيب خد النصيحه دى.. اهم نصيحه وسر نجاح اى علاقه باى
بنت
البنت ماتحبش اى واحد يحبها.. وتحب اى واحد تكون هى
ولا
على
باله ..طنشها واركنها ولا تحسسها انها بنى ادمه



واهم حاجه الكلام
الى فات ده كله شرط انك تعمله مع
اكتر من بنت ويستحب
يكونو خمس بنات او من مضاعفات العدد خمسه
لان ده الرقم الى بيمنع الحسد والنقص فى النسوان .
اوع تكون هى الوحيده فى حياتك ولو مش لاقى بنات تانيه غيرها
اتصرف...
صاحب اى شغاله ولا اى بياعه خضار

((نوع كده وخليك واد كووووووول))

.

خلاص يا احمد

اسمع كلام عمو جوجل وامشي وراه هتكسب هتكسب


منك لله يا عمو جوجل

منك لله

توقف حال البناتيت


.

هههههههههههه

والله وحشتنا مواضيعك يا بو رضوان

حمدلله ع السلامه ياجميل

منووووووووررر

وبصراحه جوجل مسبلناش حاجه نحكيها

الراجل اعطاك الزبد وخلاصه الخبره

ههههههههههههههههه

ولو على ازاى تعجب دى فانت تعجب ونص يا غالي

خلص انت بس وعروستك عندى

هنشحنك لاستاذ عبدالله وهو هيوريك يا بتاع جوجل انت الى عمرك ماشفته

هههههههههههههههه

ربنا يسترها عليك يابنى هتوحشنا والله

بكل تأكيد اخى ابو عبدالله

الاخ احمد بيطرح الواقع بشكل ساخر

الحق حق والباطل باطل

حتى وان كثر الخبث ،فالخير في امتنا الى يوم القيامه

ابتسم اخى وادعو الله ان يرزقنا الهدايه

وان يربي لنا اولادنا

تحياتى اخى الحبيب ابو عبدالله