عموما يلا مش فرقة

نسيتك قالها قلب يعانى لحظة السكرات
وعلى نعش الهوى كلمة نسيتك من شرايينى
خلاص مرحومى شيعته صدمنى واندفن بسكات
تقبلت التعازى وقلة اصلك منعتك حتى تعزينى
يظهر انه فعلا كان محكوم عليه بالموت

بتهددنى قبل الرحيل؟ مش هردك صدقنى
متقولش البديل اتحدك تبدلنى
هو قلب واحد هو احساس واحد
اخدت قلبك بيحبى علمته يدق علمته يحب
انا بس اللى كنت معشوقك اتحداك لو الف غيرى
مش هقولك مردك ليا ياطيرى
اللى اديته لقلبك زى حبة بتتزرع بتنبت مرة واحده وانا رويت زرعى بدمى قبل مياه حبى
لمستى كانت ليك زى رحم الام لجنينها ملوش عوض ولا بديل
بس انا بحمد ربنا انى عرفت اربى واعلم واحب
ميهمنيش خاين باع الهوى
ببشرك بثمن جرحك واليوم لا شكوى ولا بكاء
جرحك مضارع بس حبك صار خبر كان
ودلوقتى اسمحلى اخلع قبعتى واقدم انحناءة بسيطه تهنئه على نجاح المسرحية بشهادة منى انك ممثل بارع