............ حوار بين طالبين وهما بيمتحنوا

هههههههههههههههههه
موقف جامد أوى
حصل معايا واحد يشبهه شويه
كنت فى أول سنه فى المعهد
وفى الإمتحان
الحمد لله ربنا رزقنى بجماعه ماحضروش ولا محاضره ولا سيكشن ولا معمل ولا أى حاجه خالص
وأنا كنت مذاكر اللى ينجحنى وخلاص وبصراحه أعتمدت أجيب مجموع بمساعده الجماعه زمايلى فى اللجنه
فى أول إمتحان...
بعد نص الوقت
بصيت لزميلى اللى عالشمال ولسه هسألوا
لقيتوا هو اللى بيسألنى عن نفس السؤال اللى كنت هسألهولوا
رديت الرد الطبيعى
...بص قدامك الغش حرام
قولت فى نفسى شوف زميلك اللى عاليمين لعل وعسى
...بقولك إيه ياصاحبى معاك إجابه السؤال التانى؟
لقيتوا بيفتح كراسه الإجابه بتاعته
مسكت قلمى وأستعديت للطباعه الكربون
أبيــــــــــــــــــــــــــــــــــــــــــــــــــــــض
مفيش ولا كلمه
ولا كلمه إيه
ده مش كاتب حرف حتى يوحد ربنا
....صباح الفل دا أنت باشا



أحمد يارضوان
أحمد يارضوان


ده بقى زميلى اللى كان ورايا

... نعم ياسيدى طلباتك؟

إيه يا أبو حميد المعامله دى
أبعت أى حاجه
صاحبك أبيض

...بس كده قول أنت بس عايز إيه وأنا تحت أمرك


والله العظيم أنت برنس
أنا عايز إجابه الإمتحان كله أصلى محضرتش حاجه من أول السنه

.....صمت رهيب
بس رديت فى الأخر
....أبوس إيد أبوك

ده إمتحان إقتصاد زى الزفت
سيبنى فى حالى أنا مش ناقص

بس بجد والله أنا بعد الإمتحان ده إتعلمت كتير أوى

ههههههههههههههههههههههههههه
الله يكرمكم دا ايه بجد
انتم بتهزروا أكيد
فيه كدا
عامهً تقريبا لجان الأولاد كده
فعلا ًمن غشنا فليس منا بس مش اجابه السؤال السادس
وربنا يستر على التعليم والمتعلمين

هههههههههههههههههه والله نكته جميله واكيد بتحصل بس معتقدش انه بيحصل فى ثانوى او فى جامعه جزاك الله كل خير يامصرى

طيب تقولى إيه فى الموقف التانى بقى؟
أستنى وهحكيه أخر النهار قبل ما أروح شغلى
وبالمره ندى فرصه للحبايب يعلقوا على الموقفين دول الأول

الموقف التانى

أبشركم إن ربنا رقف معايا الحمد لله ونجحت فى السنه الدراسيه الأولى
بس قررت أتنقل من المعهد اللى كنت فيه علشان كلهم زى ما أنتم شايفين (فشله)
وطلعت تانيه عادى جدا

وجه ميعاد الإمتحان
أول إمتحان
(محاسبه شركات الأشخاص)
أنا أكتر واحد بيكره الرياضه ومع ذلك مش عارف إيه اللى خلانى أدخل التخصص ده
ما علينا
اللجنه بتاعتى كانت فى قاعه وكل 2 فى بينج
واحد فى الأول والتانى فى الأخر
الحمد لله كنت إتعلمت من إمتحان السنه اللى فاتت وذاكرت كويس أوى
جت ورقه الإجابه فسطرت الورق وظبطت كل حاجه
وبعد شويه جت ورقه الأسئله
الله الله تقريبا أنا عارف إجابه كل الأسئله
طيب تمام أوى
أنا من عادتى أكتب الأسئله فى ورقه الإجابه وبعد كده الحل علشان أملا الورقه
بدأت أكتب الأسئله ........ وبعد شويه
لقيت زميلى اللى ورايا على طول بيقوللى
...بقولك إيه يا أحمد
...ها عايز إيه إخلص عايز أحل قبل ما أنسى الإجابه
...طيب طيب براحه علينا بس
أحمد طارق اللى قدامك معاه برشامه خدها منه وهاتهالى
...حاضر يا أحمد يا أحمد هات البرشامه إخلص
أحمد طارق إيدانى البرشامه فبفتحها لقيت فيها إجابه السؤال الأول بالحرف
ما علينا جت حظ
...خد ياسيدى برشامتك سيبنى أحل بقى
ومفيش 5 دقايق
زميلى اللى ورايا
... أحمد أحمد
...فيه إيه تانى إنتوا مش ناويين تسيبونى فى حالى؟
...معلش معلش خد بس البرشامه دى إيديها ل أحمد طارق
...هات ياسيدى بسرعه بس قبل ما المراقب يشوفنى ربنا يخرب بيوتكم انتو ال2
وخدت منه البرشامه وفتحتها لقيت فيها إجابه السؤال التانى برضوا بالحرف
والإمتحان كان سؤالين أصلا
أديت لصاحبنا البرشامه وقفلت ورقه الأسئله وورقه الإجابه
ياربى يعنى لما مذاكرش ملاقيش حاجه تنفعنى
ويوم ما أذاكر الاقى الإمتحان متسرب؟وبالحرف كمان
فقولت لزمايلى اللى ورايا واللى قدامى
بص ياجذمه منك ليه كل واحد يخلص البرشامه اللى معاه يجبهالى
وربنا منا حالل من دماغى تانى

هههههههههههههههههههه

ايه اخى احمد ده هو الغش ده كان فين بالظبط امال احنا مش بنعمل كده ليه فين ايامك ادينى منك شوية بركه ههههههههههه تسلمو ياجماعه

هههههههههههههههههههههههههههههههههههههه
انا مش عارفة انتم بتتكلموا بجد ولا ايه؟
ايه يا أخ احمد ان حظك رائع بالامتحانات كده ليه؟
وتعند مع نفسك للدرجه؟
أنا افتكرت اثناء القراءة ان ممكن المراقب يرى البرشام معاك لكن سبحان الله راحه جاية براحتها وكمان عاوز تعملها احتكار بالنهايه عند وخلاص
ربنا يستر على الاجيال القادمه
ويفتح عين المراقبين وقلوبهم

يادكتوره مرفت
أنا أيامى لحد دلوقتى لسه موجوده
بس والله أنا خايف لتخلص من الحقد اللى أنا شايفوا فيكم دا
ههههههههههههههههه
والموضوع مش فيه بركه ولا حاجه
إدعى معايا الدعاء ده علشان ربنا يسهلها معايا ومعاكى برضو
(اللهم قرب ورقه زميلى منى وأبعد المراقبين عنى وأجعلنى أنقل بتأنى)
وممكن تقرى الأيه دى بتنفع أوى معايا
بسم الله الرحمن الرحيم
وجعلنا من بين أيديهم سدا ومن خلفهم سدا فأغشيناهم فهم لا يبصرون
وبالنسبه لأختى (هدى الريس)
أنتى هتحسدينى ولا إيه؟
عايزه ربنا يفتح عيون المراقبين؟
أنا موافق بس بشرط
(أخلص دراستى الأول)
ووعد منى هدعي معاكى إن ربنا يفتحها عالأخر


منورين والله العظيم
ربنا يخليكم للمنتدى ويخلى المنتدى ليكم

ربنا يرزقك التفوق والتقدم بإزن الله دون الحاجة لأى إمدادات ومعونات خارجيه
يارب تخلص دراستك على خير بس لعلمك الدراسة لا تنتهى بانتهاء الامتحانات وبس
يعنى لو هتفضل تدعو ربنا بتقريب ورقة الاخرين فبلاش توعد بانك هتدعو للمراقبين يفتحوا اعينهم لانك هتحتاج ورق الناس من تانى
لسه بدرى هنفضل ندرس دايما باكتر من طريق وجهة
وهتبقى دراسه بجد وقتها
مش امتحانات واجتياز لها وبس

ههههههههههههه

والله ياجماعه انافى الجامعه عندى فى ازهر برضو زيك يازهراوى

بنكون حوالى 20 واحده برضو وعلينا 2مراقبين يعنى مفيش حاجه اسمها غش خالص

ياريت ياارضوان تيجى تمتحن مكانى خليننى اخلص من الكليه دى

ههههههههههههههههههه

منورين ياجماعه النتدى

جزاكم الله خيرا

أهلاااااااااااا
منور يامصري
شوفت مواضيعك وصلتنا لإيه‏?‏



وثواني بقي....
يانهار أزرق إيه الهجوم الفظيع ده عليا
براحه بس عليا وإيدوني فرصه أشرحلكم
أختي هدي الريس
والله أنتي كلامك صح جدا
لسه بعد الدراسه فيه كورسات ودورات
ياليله طين أرحمني يارب
مش كنت أتعلم صنعه أحسن‏?‏‏
‏
مين تاني‏?‏
أستاذ رائد حبيب قلبي‏‏
أنا هسألك سؤال واحد
One qestian only
أنا بحكي اللي بيحصل في المعهد عندي واللي بيحصل في معظم المراحل التعليميه ولا أنا بجود من دماغي‏?‏ وبعدين أنت أعترفت بلسانك يعني أنا مش لوحدي
ههههههههههههه

دكتوره مرفت

‏(‏مشرفني ومنورني ياغالي علينا)
بقا أنتي عايزاني أجي أمتحن مكانك‏?‏
دا الرسول بيقول حب لأخيك ما تحبه لنفسك
وبصراحه أنا مش ناوي أخد السنه بسنتين
ههههههههه
أناعايز أخلص


أقولك علي حاجه أنا مستعد أذاكر و ماغشش بس عندي شرط واحد بس
‏(‏الإمتحان ما يتسربش زي السنه اللي فاتت)

متخفيش يااختى هدى ان شاء الله خير ذاكرى بس انتى كويس وباذن الله خير واوعى تسمعى كلام اخى ابورضوان لاحسن تتمسكى بالبرشام وتروحى فى داهيه الله لاقدر هههههههههههههههههههههههههههههههههههههههههههههههههههههه
منورين ياجماعه

بقيت أنا الوحش دلوقتي يادكتوره؟
ماشي ماشي
بس علي فكره أنا مقولتش لحد يغش ولا يشيل برشام أنا بس بقول أمثال من الواقع
أنتي كده هتخلي إيمان الهدي تاخد فكره مش حلوه عني

اخى ابورضوان لاوالله انامش قصدى حاجه انابهزر عادى يعنى وانامقولتش انك وحش ولاحاجه لسمح الله عموما سورى ياعم جزاك الله خيرا منورين ياجماعه

مفيش داعي للأسف يادكتوره لإني أنا كمان كنت بهزر


علي فكره الماسدج دي لسه واصلاني إمبارح قولت أجيبهالكم يمكن تطلعوا منها بحكمه ولا حاجه


‏ببص لروحي فجأه
لقيتني بمتحن فجأه
غشيت من المفاجأه
وإتقفشت في لجنتي

صباح الفل

مجبتش حاجه من عندى
الأستاذ عبد الله شرح بس الوضع بيكون إزاى فى المرحله الإبتدائيه
فما بالكم بالإعداديه والثانويه (خصوصا لو ثانويه عامه زى حلاتى)والتعليم العالى من جامعات ومعاهد
يعنى على كده الغش ضرورى (لمعظم الطلبه) وإلا بقا (معطلكش)
تاخد السنه فى سنتين تلاته دى مسئوليتك انت مش حد تانى
يااااااااااااااااااه
الحمد لله إنا عمرى ما عدت سنه أبدا
خمسه وخميسه فى عين أى حد يحسدنى
وإن شاء الله أخلص أخر سنتين على خير وأرتاح من كابوس الإمتحانات ده

والله فعلا يااستاذ عبدالله هوده اللى بيحصل وهوده اللى مخلى الناس بتحتاج الغش عشان تنجح

حتى فى الجامعات امتحانات بتكون فوق المستوى والدكاتره تلاقيهم بيعاملوك كأنك فاهم زيهم بالظبط

حتى الامتحانات اشكال والوان اسئله مش مقرره تلاقى وتقلهم يقولولك اخدتوه واحنا ولاشفناه قبل كده وقال بيطبقونظام الجوده

على اساس ان كل الانظمه اطبقت وفاضل ده عشان يطبق ههههههههههههههههههههههههههههههههههههههه
والله فعلا ربنا يرحمنا برحمته

جزاكم الله خيرا

النظام التعليمى يحتاج الى اعادة هيكله وبناء

من جديد نحتاج الى غرس مبادى ونظم جديده للتعليم فى المدارس

وان ندرس لابنائنا شيئا عن هذه المبادى وان نشعرهم بقيمة المعلم

ودوره الرائد فى المجتمع

حينها فقط ستخرج اجيالا تحمل ثقافه جديده قد لايتقبلها الكلاسيكيون

الذين يميلون الى النظم الرجعيه

ولكنها ستكون الاساس فيما بعد



بالفعل رأيك ممتاز حول إعاده هيكلة التعليم بوجهه عام