رسالة شكر

أنا فكرتى أو أفكارى عامة بحب أناقش فيها الحاجات الصغيرة اللى احنا مش بنعملها

على الرغم ان احنا لو عملناها هتفرق كتير أوى .

ومن ضمن الحاجات دى ان انت بتكون احيانا قاعد مع نفسك وتفتكر شخص معين

ويكون نفسك تقوله شكرا على موقف معين او على شىء قدمه ليك

لكن اول ما حاجه تانيه تيجى تنسى الموضوع ده تماما طب ليه؟؟؟؟؟؟

احنا هنا فى المنتدى ممكن كل واحد يقدم رساله شكر لحد معين

ويقول ليه هو معتز بيه ويحب يشكره على ايه.

بس بصراحه وأنا بكتب الموضوع ده مش هو ده الغرض منه

الغرض ان حضرتك وانت بتقرأ الكلمات دى ترفع سماعه التليفون تسأل عن الشخص ده

وتحسسه انك فاكره ومش ناسى مواقفه الكويسه

الحكايه دى بتفرق كتير يا جماعه والله

يلا أول حد هتشكره مين بعد الله سبحانه وتعالى ؟؟؟؟؟

والدتك اللى من زمان مسألتش عليها

ولا باباك اللى انت وحشته جدا

ولا أختك اللى نفسها تشوفك جمبها

ولا أخوك

ولا صاحبك

ولا جارك

ولا زميل دراسه

ولا مدرس أثر فيك

ولا ولا ولا ولا

منتظره ردودكم

فى رعايه الله