افتكاسات فى اللغة

 

أكيد كل واحد فينا وهو صغير قعد ساعات وممكن أيام وليالى يفسر بعض الكلمات العامية التى تلاقها من من حوله مثل ظز ,معلش,تنح – وهذا الوقت اكيد طول شوية مع الأمهات اللى بتقص الكلام- فتقعد محتار فى تفسير الكلمة وفى الآخر يبحثوا وراء الأسباب التى تحول دون تركيز الأطفال , المهم تعالوا نشوف اصل بعض الكلمات اللى كنا فاكرين أنها عامية..





كلمة “طز” هى فى الاصل كلمة تركية و معناها الملح .. و لأن الملح كان ارخص سلعه فالمصريين بقوا بيقولوا على اى حاجه تافهة ” طز ” .

كلمه “معلش” كانت اختصار ل “ما عليه شىء” .. كان يقولها القاضى لمن اخذ البراءه ..

كلمة ” يا خراشى ” تعود لعهد الدولة الفاطمية .. يعنى من الف سنه .. و هذا كان نداء لأول شيخ للازهر “محمد الخراشى” و كانوا ينادوه اذا وقع ظلم او مصيبة لحلها ..

كلمه “سيس” معناها البلح الفاسد او اللى بيقع من النخل و لا يأكله احد .. يعنى الانسان اللى مالوش لزمه …

كلمة “جدع” هي كلمة جاءت من الاجدع و هي أسماء الشيطان. وهو تعبير عن المكر و النباهة التي يعتقدون تميز الشيطان بها. فصارت كلمة جدع او كدع بالكاف المشددة ..

كلمة “عبيط” هى كلمه فرعونية .. مكونه من كلمتين .. عا + بيت .. عا معناها حمار .. بيت معناها شخصيه .. الكلمتين يعنى حمار الشخصية ..

كلمه ” ساده” مثل قهوة ساده مثلا .. هى كلمه فارسيه .. معناها بسيط او طبيعى .. يعنى شاى بسيط بدون إضافات ..

كلمه ” هسكعك ” مثل هسكعك الم مثلا .. هى كلمه فرعونية معناها “هلصقك” و الكلمة هى “سقاع” معناها التصاق ..

كلمه “شلق” مثل الست دى شلق .. معناها فى الفرعونية القديمة “شلاك” يعنى يمتد او يمط ..

كلمه ” تنح” مأخوذه من “تناهو” كلمه قبطية معناها يستحى او يخجل ..

كلمة ” أهبل ” هى كلمه يونانية .. أصلها “هابلوس” و معناها ساذج ..

كلمه “هلس” اصلها “هيلوس” كلمه يونانيه معناها تلف و فساد ..

كلمه “مرمطة” أصلها فرعونية .. “مارماتا” و معناها الم و وجع ..

كلمه “مهيص” معناها فى الفرعونية مملوء السرعة .. و أصلها "مهيوص" .

يا ترى كم واحد ندم على الأوقات اللى قضّها فى طفولته وهو بيترجم هذه الكلمات؟

 

عن مجلة الشباب