هستنى الفرج

هذه الملحمه حكاية مآساة الشباب الذين ولدوا فى عهد السادات

وعاشوا فترة شبابهم فى عهد مبارك المخلوع

وهذه الكلمات بدأت فى كتابتها منذ أكثر من شهرين

وانا احاول فى التعايش مع ما يدور فى داخل كل شاب ضاع شبابه على المقهى



فى انتظار الفرج وقد اخترت لها اسم




وهذه الكلمات باللهجه الصعيديه .. للاستمتاع بقوة وطعم اللكنه الصعيدى




خريج .. ومتخرج ... ومن زمان .. وخادم جيش .. وعايش حافى وعـريان




والصحه تمــــام .. لا بروح مستشفى خــاص ولا عـــام .. يعنـى عايـــــش

وقاعد فى بيتى مستنى من زمان .. لا بروح ولا باجى .. ولا بركب اتوبيس ولا مترو ولا ترام





ومتجوز جديد بس متأخــر قــوى والشـعر شــااااب ... والولد لسه ماراح كتــاب



يالله حسن الختـــام وله رب اسمـــه كريــــم يتــــولاه من بعــــدى

ويكون حظه احسن من حظى ويلاقى فرصة عمل تكفيه ذل السؤال





نفســـى اســــأله وألاقــــى عليــــه اجابــــه او استجابـــه

هو انا مش ابنك يا مصر .. ولوني من لون خيرك يا مصر

وعــرقى معفر بترابك ... وترابك مـــروى بـدم إخـــواتى

ونيلك بيجرى فى دمى وهمك هو همي .. ليه سيبانى وحدى فى غمى .. مستغمى





انا خريج وابن الباشا خريج ... وليه هو واخد كل حاجه ... ومسبش ليا ولا حاجه

وظيفه ببدله حلوه .. عربيه وشنطه ونضاره .. فى شركه فى مصنع المهم عجلته دوراه



وانا قاعد على الترعه ألقط رزقى بسناره ... والحكايه فى الاخر طلعت مش شطاره



ابـن البيـــه يطلــــع بيـــه .. قانـــون حطــــووه وبنمشــى عليــه




خمس فدادين .. وبيت وصوبه .. وقروض ومنـح لا تـــرد



وقطعة ارض مبانى يبيعهالى وانا سافف تراب من الأرض

دا حتى انا بشتغل عنده خدام فى الأرض .. وطول الشهر احسبها بالطول وبالعرض

ألاقيها لازم انى أكمل باقى الشهر أسـف من قشــاش الأرض




وأحلــى ب100 ذل ومهانـــه ودا نصيــب الفــــرد !

وقروض عليها قروض وانا طلبى من ع الشباك مرفوض

ليه هو بقا كده وأنا بقيت كده دا السؤال ويا ترى فين الاجابه ؟



يقـولـولى انت ليك الدعـــم !!!



اقولهــم دعــم إيــه دا انا انكســر دعمــى

لا روحــت مــره مستشفــى مـن ام تذكـــره بجنيــه



ولا ركبت اتوبيس والكمسرى طنشنى وشاف حالى يشفعلى

ولا وقفت فى طابور جمعيه اخد شىء من حقى

ولا روحت لفـرن عيش ابو رغيـف مدعـــوملى





ولا آنى تبـع الناس اللى بتقـول المنحــه ياريــس



ولا آنى من الناس اللي فاتحـه كروشهـا وبتكيـس





ولا آنى عـز وجـرانه .. وغيره وغيره وغيره ومن فلوسنا بتفيس





وتقولى دعــم .. الدعــم للاغنيــا مش للغلابــه

الدعــم مش للفيران دا للديابــه ... واحنــا يا بيـــه فيـران غـــلابه

فاار وراضى بقليله وقليله مش راضى بيه .. عايز يسمه طمعان فى اللقمه اللى بيرميها ليه



قولت أهج .. وهجيت .. غربت .. واتغربت .. وتعبت وعرقت شمال ويمين وحقى كلوه عليه



ضعيف .. ضعيف لأنى مصرى ومفيش سند ليه .. لا تقولى سفير ولا سفاره ولا قنصليه



ورجعت قفايـه يقمـر عيـش .. ممعييش .. وحقـى راح عليـه

لا نفعنى سفير ولا سفاره ولا قنصليه .. ولا حتى رئيس الجمهوريه

يقـولـولى مصر دى امـك .. والام دايمـا بتزيـد فى العطيــه

قولتلهـم سيبـونى ف حــالى ماهيش ناقصـه مرازيـه




ولا شـوفت شـىء منـك يا مصر بــره وجــوه

غير ذل ومهانه فى كل مكان كرامتى متهانه علشان شايل اسمك يا مصر



ويسمعونى اغنية ما تقولش ايه اديتنا مصر ... وانا حيلتى ايه اديه لمصر

علم وحاشوه عننا .. حلم وخادوه مننا ومفيش غير الصبر والصبر دا ف طبعنا



اربعين سنه عايش ومش عايش ...او قـووول عايش على ما تفــرج

فرجـه قريب والشعر شاااب والــولد لسـه ماراح كتــاب

سنه او اتنين ويجينى الخيركله ... السكر والضغط والكبد والفشل الكلوى ميراثى منك يامصر



هورث ..هورث وابقا غنى وارتاح .. أحمدك يا رب .. بعد 20 سنه أخيرا هرتاح



عشرين سنه بعد التخرج وياريتنى ماخرجت ولا اتخرجت

وكان لزومه ايه العلام ... سهر وتعب ومصاريف ع الفاضى فى حاجات اى كلام

يا ريتنى ما اتعلمت .. ياريتنى ما اتعلمت ولا فهمت

وفى الآخر يسمعونى اغنية ما تقولش ايه اديتنا مصر ... وانا حيلتى ايه اديه لمصر

نفسى ألاقـى فيكى عــدل .. وراجـل يعـدل بين ولاده

ولو هيشيلهم ديــون .. المساواه فى الظــلم عـــدل

راجــل يكــون حقانــى ... ويحكــم بعــدل الله



مش ناس تبنى قبور بملايين وانا ساكن فى بيت بالبوص والطين




بالـــزمه دا يرضـــى ربنـــا .. ولا دا يرضى ميــن

ويقـولولى ما أنت عايش متغطـي بخيــرها ... وواكــل وشــارب من أرضها و نيلهــا

هو النيل ده كان بتاعكم بتمنوا عليا بيه .. ولا الأرض كانت ميراثكم وحنيتم علينا بيها





دا النيــل والخيــر والأرض .. منــه مـن الله ومــن علينـا بيــها

بس هي فين .. نهبتوها منى ومن اللي زيي وجبتـم عاليها واطيها

ولولا ربك مكرمها لكانت خربت .... دا ربك بـس اللي حـاميــها



=======

.

فرجه قريب يا حبيبه قلبي ده ربك كبير

وزي ما قولتي في خاطرك بقلمك انه حاميها وفرجه قريب

مشكوره يا اماني

نشاطك بارز

بنتمني منك المزيد

وجزاكي كل الخير

.