هدى الهدى مبحر فوق العادة
الساعة الآن : الجنس : عدد المساهمات : 1142 درجة النشاط : 9489 تاريخ التسجيل : 06/12/2010 تعاليق :
| موضوع: مرتبطه ؟! طب تعالى شوفى حبيبك هيتقدملك ولا هيديكى سكة ! السبت 7 أبريل 2012 - 18:45 | |
| منقووووووووووووووووووول للافادة
لو انتى مرتبطه عاطفيا تعالى شوفى حبيبك مش عايز يتقدم ليه لحد دلوقتى !!
أولا ارتبطوا والحياة ظريفه ومبيتقدمش يبقى اكيد بتوفريله الحاجات دى:
1- بيشوفك وقت ما يعوز 2-بيتكلم معاكى طول اليوم 3- الأحضان ده شىء عادى 4- بتنتحرى عشان تساعديه 5- عدم وجود حدود لشيىء
يبقى بذمتك يتقدم ليـــــــــه ؟!!
"اشترى البقره ليه لو باخد لبنها ببلاش ؟"
مثل أمريكى ناصح
لازم يكون فى حدود لكل شىء التليفونات بحدود الخروج بحساب والخدمة الشامله مفيش داعى منها..وألا يشيل المسؤليه ليه اساسا !! ولو اشتغل فى سكة " لو كنتى بتحبينى كنتى عملتى " اعرفى يابنت الحلال انه مش بتاع جواز ده يإما بيشتغلك يا إما بيستغلك والاتنين وجهين لعمله واحده......"قلة الاصل"
لو ارتبطوا وبعد كده طلب انكوا تاخدوا بريك تعيدوا فيه تقييم العلاقه إعرفى ان ده مؤشر خطر وانه عايز يخلع بالذوق فقولى له :لأ خلى البريك على طول ماعطلكش !!
بلاش تقعدى توجدى له اعذار وتصدقى كل حججه
"أصله لسه بيكون نفسه" مش عذر كافى ! أصل الراجل لما بيحب بجد بيتكلم حتى لو كان شحات..أصل دبلتين مؤقتا مش معضله
"خايف بابا ميوافقش عليه" عذر اقبح من ذنب..طب هو كان جرب أصلا؟ ولو شايف انك متستاهليش المجازفة يبقى ميستاهلش يقابل بابا من أساسه !
"أصله بيسافر كتير " ماشى وايه المشكلة؟ هو فى قانون ان الناس اللى بتسافر مش بتتجوز؟ بالعكس بقى اللى بيسافر ده لما بيحب بيروح ورا حبيبته لأخر الدنيا
"شغله واخد كل وقته" ده تشوفيله سكرتيره مش زوجة ..!! يعمل بيها ايه وهى ملهاش وقت عنده؟ لو كان بيحبك فعلا كان فضى نفسه نص ساعه يقابل فيها باباكى الراجل لما بيحب بجد بيخلق الوقت وبيعمل المستحيل
"أصل أهله عايزين يجوزوه بمعرفتهم" ده بقى مالوش غير رد واحد (( يا نونو خليك جنب ماما )) وخليها بجميله واشتري له مصاصه الراجل اللى بيحب بجد بيحارب العالم عشان اللى بيحبها
"أصله بيخاف من الجواز" هاتيله طاسه الخضه الراجل لما بيحب بجد مابيخافش من اى حاجه فى الدنيا وممكن يرمى نفسه فى النار فى سبيل انه يكون جنب حبيبته !!
"أصله مش بيحب التسرع" طب ربنا يدينا ويديكى طوله العمرررر ومستنين دعوة فرحك على الستين ربيعا إن شاء الله وهنجيب لكم الهدايا أطقم عضاضى يابنتى العمر بيجرى ..إجرى انتى كمان وسيبى الراجل البطة ده يكاكى
"أصله إنسان كويس قوى" لو كان كده فعلا كان بقى واضح معاكى من أولها الأنسان الكويس مبيلعبش ببنات الناس ولو كويس بس مش بيحبك يبقى ايه فايدته؟ كويس لنفسه يا حبيبتى مش ليكى أو لواحده تانيه غيرك تعرف تلعبه على الشناكل
"أصلى بحبه" بصى يا حبيبتى..سكة بحبه مهما اشوف منه دى متنفعش خالص الا اذا كنتى بتحبى البهدله وفى الحاله دى كلمينى وانا هديكى نمرة د/خشبة كويس وهما جلستين ...وهتبقى زى الفل
"أصلى خايفه ملاقيش غيره"
"أصل مبقاش فى رجالة" طول مانتى بتفكرى كده يبقى هتفضلى ترضى بأى زباله تقابليها فى سكتك.. الرجالة على قفا من يشيل بس انتى اخلصى من التهمه اللى معاكى وقصه (قرد يسلينى ولا غزال شارد) دى فاشـــــــــلة طب ارضى بالقرد ليه إذا كان فى غزال ؟؟
"أصله متجوز مش عايزاه يشرد عياله" طب وأما هو متجوز وملتزم بولاده انتى بقه يا حلوه بتعملى ايه فى حياته؟ بتسليه؟ بتشبعى غروره ونقصه؟ ولا بياخد منك اللى مش عارف ياخده من المدام؟؟ متخليش حد يستغلك وبلاش تاخدى اللقب ده (خرابة بيوت ) لأنه اسوء لقب دنيا وآخره
"عصفور فى اليد خير من 10 على الشجره" ده فى حاله انه يكون عصفور مش بومه !! أبوس ايدك أفهمى المثل صح
طول مانتى رابطه نفسك بقصه خايبه مش هتلاقى رجالة تانيه لأنك ببساطه انتى اللى معميه نفسك ومش شايفه غيره لكن صدقينى لو نفضتيله النهارده وشيلتيه من دماغك بكره - اللى هو بكره ده- هتلاقى 1000 واحد يتمناكى احنا فى عصر الانترنت والفيسبوك
الإنسان اللى يخليكى طول علاقتك بيه بتدوريله على أعذار يبقى عذره الوحيد انه محبكيش
الحب... يايكون إضافه جميلة فى حياة الإنسان...ياإما يغور فى ستين داهيه لانه ساعتها مايبقاش حب..بيبقى نوع من الوسواس القهرى أو حب تعذيب النفس وبرضو كلمينى وهديكى نمره د/ خشبة
الحب لازم يكون نابع من القلب والعقل..لكن حب من غير عقل يبقى حب ناقص مشوه غير مكتمل النمو يعنى من الآخر مش هيعيش كتير ومتوجعيش دماغنا بقه
الحب لازم يعقد معاهده سلام بين قلبك وعقلك لكن يخليهم طول النهار يتخانقوا مع بعض !! يبقى مصيرك العباسية
الحب من غير أمل هو نوع من أنواع الهبل
العلاقة الناجحه هى:العلاقه اللى بتحقق لك السعادة على طول مش شهر آه وشهرين خناق !! يوم آه وعشره متخاصمين خروجه آه وتلاته مش طايقين نفسنا علاقتك من النوع ده؟ يبقى متعتبريش السنارة غمزت وبلاش جواز علشان متجنيش على اطفال بلا ذنب لإن عاجلا أم آجلا حد فيكم هيطفش
| |
|
همسة عتاب مشرفة قسم المعلم و المتعلم
الساعة الآن : الجنس : عدد المساهمات : 1543 درجة النشاط : 9565 تاريخ التسجيل : 27/02/2009 العمل/الترفيه : تربية وتعليم
| |
هدى الهدى مبحر فوق العادة
الساعة الآن : الجنس : عدد المساهمات : 1142 درجة النشاط : 9489 تاريخ التسجيل : 06/12/2010 تعاليق :
| موضوع: رد: مرتبطه ؟! طب تعالى شوفى حبيبك هيتقدملك ولا هيديكى سكة ! الإثنين 9 أبريل 2012 - 0:07 | |
| يسلم مرورك همستى الغاليه
وكلامك الجميل اختى الجميله
لا حرمنى الله منكى اختى
ومن مرورك الغالى
ويارب يحفظ بنات وشباب المسلمين اجمعين
| |
|
حفصه مبحر فوق العادة
الساعة الآن : الجنس : عدد المساهمات : 1112 درجة النشاط : 8572 تاريخ التسجيل : 07/08/2010 العمل/الترفيه : منسقة تعاليق :
من أراد زاداً ... فالتقوى تكفيه ومن أراد عزاً ...فالإسلام يكفيه ومن أراد عدلاً ... فحكم الله يكفيه ومن أراد جليساً ... فالقرآن يكفيه ومن أراد زينة ... فالعلم يكفيه ومن أراد واعظاً ... فالموت يكفيه ومن أراد أنيساً ... فذكر الله يكفيه ومن أراد غنى ... فالقناعة تكفيه ومن أراد جمالاً ... فالأخلاق تكفيه ومن أراد راحةً ... فالآخرة تكفيه ومن لم يكفه كل هذا ... فالنار تكفيه
| موضوع: رد: مرتبطه ؟! طب تعالى شوفى حبيبك هيتقدملك ولا هيديكى سكة ! الأربعاء 11 أبريل 2012 - 15:28 | |
| بارك الله فيكي
بجد نصائح غاليه جدا جدا
| |
|
عاشقه الرسول مـــــــــراقــــــــــــب
الساعة الآن : الجنس : عدد المساهمات : 4104 درجة النشاط : 22001 تاريخ التسجيل : 26/11/2009 العمل/الترفيه : مديره اعطال في شركة وقف الحال تعاليق : لكي تبحر في سعاده ليس لها ساحل اركب زورق الامل وليكن مجدافك حب الله ورسوله
| موضوع: رد: مرتبطه ؟! طب تعالى شوفى حبيبك هيتقدملك ولا هيديكى سكة ! الجمعة 13 أبريل 2012 - 21:22 | |
| وجعتي دماغي ياهدي م الاخر هاتي رقم دكتور خشبه هههههههههه . | |
|