دى شويه نكت سمعتها وقريتها يا رب تعجبكو
يالا بينا
3 ازواج بيتغدو ف مطعم
الاول قال لمراته ادينى شوكولاته يا احلى شوكولاته
التانى قال لمراته ادينى عصير يا احلى برتقاله
التالته قالت لجوزها
دلعنى زيهم قالها ادينى حليب يا احلى بقره
واحد بيقول لصاحبه الست الى واقفه هناك دى بتضرب جوزها كل يوم بالجزمه
قاله وعرفت منين قاله اصلها تبقى مراتى
واحد بيسال نيوتن الهوا الى بيخرج من فمك سخن ولا بارد
قاله بارد
قاله طيب ليه بتنفخ فى ايدك ف الشتا علشان تدفيها
قاله لا سخن
قاله ليه بتنفخ فى الشاى علشان تبرده
قاله فكك منى ياض
واحد بيسال صاحبه عملت ايه فى خناقه امبارح مع مراتك
قاله ههه دى جات لحد عندى وركعت
قاله يا سلام وقالتلك ايه
قالتلى اطلع من تحت السرير يا جبان
خواجه ركب التاكسى مع سواق صعيدى
عدو على البرج
الخواجه ساله ايه دا
الصعيدى :دا برج القاهره
الخواجه ساله اتبنى ف اد ايه
الصعيدى قاله ف 6 سنين
الخواجه قاله ياااااه دا احنا شيدنا تمثال الحريه ف 4 سنين بس
الصعيدى اتغاظ
بعد شويه عدوا على القلعه
الخواجه سالو ايه دا
الصعيدى قاله دى القلعه
الخواجه قاله اتبنت ف اد ايه
الصعيدى قاله ف3 سنين بس
الخواجه قاله دا احنا بنينا البيت الابيض ف سنه واحه بس
الصعيدى اتغاظ اكتر
شويه كمان
عدو على الاهرامات
الخواجه سالو ايه دا
الصعيدى قاله معرفش
انا معدى من هنا من ربع ساعه مكنتش موجوده
واحده صحت من النوم مفزوعه وبتصرخ
جوزها بيسالها مالك
قالتلو حلمت انى اترملت
قالها بعيد الشر عنك يا حبيبتى انشالله انا وانتى لا
واحد وخطيبته ماشين ع الكورنيش واخر انسجام قالها تعرفى ايه هو الحب والجواز
قالتله ايه هو الحب
الحب هو النجوم الى بتنور السما
سالته والجواز
قالها دى الحفره الى بنقع فيها واحنا بنبص على النجوم
دكتور بيمر ف عنبر ف مستشفى المجانين
شاف واحد بيضرب نفسه بالشبشب
سال الممرضه مالو
قالتله كان بيحب واحده ومتجوزهاش
دخل العنبر الى بعده لقى واحد بيخبط دماغه ف الحيطه
قالها وده مالو
قالتله دا الى اتجوزها
عريس راح الشغل يوم الصباحيه
قرفان وزهقان ومش طايق نفسه
سالوه ايه الى جابك النهاردا
قالهم مش بيقولو الجواز برميل زفت وشويه عسل من فوق
قالولو اه
قالهم انا بقى فتحت البرميل بالمقلوب
الستات فى العالم اجتمعو وقررو يعملو اضراب
لمده اسبوع
واجتمعو علشان يشوفو النتيجه
الفرنسيه بتحكى
قالت انا قلت لجوزى انا مش هعمل اى حاجه لمده اسبوع
اول يوم ماشفتش حاجه
تانى يوم ما شفتش حاجه
تالت يوم بدا يرتب البيت
وقالى انتى بتتعبى اوى يا حبيبتى
الانجليزيه نفس الكلام
اول يوم ماشفتش حاجه
تانى يوم غدانى وعشانى بره
المصــــــــــــــــــــــــــــــــــــــريه قالت
انا قولتله مش هعمل حاجه ف البيت لمده اسبوع
اول يوم مشفتش حاجه
تانى يوم مشفتش حاجه
تالت يوم بدات اشوف شويه بعينى الشمال