وزاره ملهاش اى لازمه

اخوتى الكرام اهلا بكم فى قسمنا الرائع

فى الصميم

نتحدث عن وزاره ليس لها اى قيمه ولا اى لازمه
ولم تفيدنا باى شىء بالمره
وزارة الشباب والرياضه
والتى من المفروض انها ترعى الشباب وتساعدهم
وتحتضنهم وتنمى قدراتهم الجسديه
كما ترفع وزارة التربيه والتعليم
من قدراتهم العلميه
ولكن وياااااااااااااااااااااللاسف
لادى بترعى ..ولادى بتعلم
وحاجه مايعلم يبها الاربنا
وها انا احد الشباب موجود داخل محيط من الشباب
سواء اخل العائله او من اصدقاء الدراسه
ولم اسمع ان احدا منهم افادته هذه الوزاره بشىء
بس عشان منظلمش الوزاره ياريت ياجماعه لو حد استفاد
من الوزاره دى حاجه يقولنا
اعتقد ان محصلة التعليقات ستكون صفر
....

ياريت تشاركونى وكل واحد يقول الوزاره الى شايفها من وجهة نظره
ملهاش لازمه

فى انتظاركم

دمتم سالمين

الامر عباره عن كوميديا ساخره

انا اراها كوميديا لان كل حاجه فيها هزار وكلام علي ورق

للاسف مفيش ولا وزاره بتادي دورها

طب قولو معايا كده

1_التعليم

اللي بيتعلم مش بياخد علمه من المدارس من الدروس

وفي الكليه من الكورسات

2_الرياضه

ياما تروج جيم خاص او انك هتفضل زي مانت

النوادي مفيهاش ولا جهاز الا النوادي الخاصه

3_ نيجي للصحه

يتروح مستشفي خاصه يهتفضل عيان

المستشفيات مفيهاش حتي الشاش والقطن

اسيبلكم باقي الوزارات

ويا ريت كمان نفكر ف ازاي نساعد الوزارات في انها تشتغل

مشكوووووووووور اخي رائد

والله موضوع فى الصميم اخى رائد ،

أنا عن نفسى حختار وزارة الإسكان ،

كلنا نعلم جميعآ أن حلم أى إنسان مصرى ،

الستر والصحه ،

حلم اى إنسان مصرى إنه يكون عنده بيت مقفول عليه

عشان يعرف يتجوز يعرف ينام زى الناس ،

احنا لو بصينا حوالينا حنجد ان مصر مليانه بكتير من العشوائيات ،

لو بصينا حوالينا حنلاقى ان معظم الشباب ساكنين بالخارج ببيوت غير بيوتهم ،

لو بصينا حوالينا حنلاقى فى ناس بتنام ع الأرصفه ،

ولا حول ولا قوة إلا بالله العلى العظيم

اموت واعرف فين دور وزارة الاسكان من ده كله ،

انا اتهيالى دور وزارة الاسكان بيتوقف ع توزيع الشقق ع مسئولى العاملين بالوزاره

والتسارع ع اخد كل منهم حصه اكبر من نظيره

او قيام بعضهم ببيعها بسعر عالى لاحد مسئولين

او اهدائها له مع العلم انه يمتلك بدل الشقه فيلا

انا مش عارف فين الطرح اللى بتطرحه وخدمات اللى بتقدمها للشباب

بجد وزارة دى محتاجه تتهد وتتبنى من جديد

حلم اى مواطن مصرى ان يكون مستور ومقفول عليه باب وعايش سعيد

من كام يوم سمعت حلقه برمضان لبرنامج اسمه خواطر

اللى بيقدمه احمد الشقيرى زكر فى حديثه مقوله اعجبتنى

عن انه سال حكيم احد الناس فقال له ما طموحك

قال له طموحى انه يكون عندى بيت وحياه كريمه وى وى

قال له الحكيم يا اخى انا لا سالك عن حقوقك ولكن اسالك عن طموحك

فده حق وانا شايف ان حقنا كان منهوب بالنسبه للشباب اللى ربنا يفرجها عليهم يارب بمسكن

يارب الحال ده يتغير فى ظل الحكومه جديده ونشوف حقوق تعاد لاصحابها

ونعيش حياه كريمه كل فرد بينعم فيها بخير وسلام

مشكور اخى رائد ع طرحك ،

واسف للاطاله ،

ياجماعه بلاش نتكلم فى السياسه أحسن
ههههههههههههه
عادى عادى مش هدخل المعتقل لوحدى
بصراحه الوزاره الوحيده اللى بشوفها بتشتغل كويس مابين الوزارات كلها هى وزاره السياحه وطبعا كلنا عارفين ليه
أما الوزارات اللى مطنشه خالص فهى كتييييييييييييييير
زى ما أنت قولت يا رائد
الشباب والرياضه
أنا تقريبا ماسمعت الإسم دا غير فى الفيلم بتاع عادل إمام بس
وزى ما أختى بدر البدور
التربيه والتعليم والتعليم العالى كمان
لازم دروس خصوصيه ومراجع وملخصات وأكيد كلنا عدينا بالمراحل دى
وبالنسبه لوزاره الصحه
المثل الوحيد اللى بيكون مناسب لها
الداخل...... والخارج ...........
الواحد مننا لو دخل مستشفى حكومى بيدخل تعبان وبيخرج تعبان أكتر والكلام عن تجربه
وبالنسبه للوزاره اللى أقترحها زميلى وأخى مصرى
وزاره الإسكان
فبعد إحصائيه شامله أثبتت أن مصر فيها شقق لو أتوزعت على كل أسره هتزيد ويتبقى كمان بس مين اللى هيدفع مقدم قد إيه والتقسيط كل شهر مبلغ وقدره تقريبا مرتبك كله
أضيف أنا بقا على كده وزاره الأثار للزعيم بتاعها زمان(زاهى حواس)
أنا أعتقد يا جماعه إنها إتعملت علشان نهب الأثار مش المحافظه عليها
ووزاره البيئه
لالالا بجد والحق ينقال التلوث قل لدرجه إن الواحد لو صحى من النوم وماشفش سحاب أسود فى السما بيستغرب
ووزاره الداخليه
الوزاره اللى أتعملت من أجل القضاء على البلطجه واللصوص
طبعا كلنا بنقرا أخبار الحوادث وربنا يكفينا شرها
وأهم وزاره
(وزاره الماليه)
الضرائب مصلحتك أولا
فاكرين الشعار ده؟
كان دايما بيطلع فى رمضان ومش عارف ليه فى رمضان بالذات!!!!!!
ناس بتشتغل بذمه وضمير
بالفلوس طوروا المدارس والدليل بيضوا المدرسه اللى فى أول الشارع عندنا أنا أشهد بكده
وطوروا المستشفيات
أكيد كلنا شايفين التقدم التكنولوجى ووجود أحدث الأجهزه الطبيه وتوافر أكياس الدم
وطوروا الطرق والكبارى لدرجه إن مفيش شهر يعدى إلا وأسمع إن كوبرى أو جسر إنهار
والله ياجماعه أنا سعيــــــــــــــــــــــد جدا جدا جدا
وأتمنى إن الوزارات الجديده تكون أجمل من كده

اختى بدر اسعدنى مرورك

وكما قلتى هى حقا كوميديا ساخره

هم يبكى وهم يضحك

وزاره ملهاش اى لازمه 3872777108

اخى مصرى

كلنا يعلم اننا لانعيش الا على 5%من مساحة مصر

كما ان الواحد مننا لومش اهلوا هما الى ساعدوه

طبعا اذا كانت ظروفهم تسمح،، لايكلف الله نفسا الاوسعها

لاحكومه هتنفعوا ولا اسكان ولا ماسكانش

ويارب الوضع يتغير

اخى العزيز

وزاره ملهاش اى لازمه 207721

ابوحميد بن الحج رضوان

يارب نشوف بلدنا احسن

ويارب يسلمنا مما نحن فيه فلا مصر ولا اهلها يستحقون هذا الاهمال

ولا هذه العيشه...نحمد الله على كل حال ولسنا ساخطين على نعمته

ولكن مايحزننا ان تكون بلدنا اغنى الدول وغناها ليس قائما لاعلى بترول زى اخوانا بتوع الخليج

ولا على طاقه نوويه وسلاح زى اخونا الايرانيين

فغنى مصر باهلها وارضها وجوها وحضارتها

غنى مصر بايمانها فلا يعقل ان يكون هذا هو حال

بوابة العالم الاسلامى

اخى احمد

وزاره ملهاش اى لازمه 690964450

اخوتى الكرام جزاك الله خيرا

وارجوا ان نتابع الموضوع سويا

ونشارك باقى اخوتنا فى تعليقاتهم

ولكم جزيل الشكر

وزاره ملهاش اى لازمه 600141