القمه ليها ناسها

نظره متخلفه

نعم نظره متخلفه
حينما تجدهم يحددون 3 او4كليات
يطلقون عليهم كليات القمه
يعنى ايه كليات قمه ؟؟؟؟؟هاااا؟
فقط هذه الكليات الاربع لاتوفر الا اربع وضائف
طيب يعنى احنا فى المجتمع مش محتاجين من التعليم الا الاربع حرف دول؟؟
انها نظره شديدة التخلف والرجعيه
والله انا عمرى ماشفت الطب كلية قمه ولا الصيدله ولا الاعلام
يعنى عادى
بالظبط كل واحد فينا ليه كليه بيحبها فبالنسبه له هى كلية قمه
انا ف تجاره وبحب التجاره بالنسبالى هى كلية قمه
ياخى انا مش عايز ابقى دكتوررررر
مجتمعنا مليان حجات غلط وللاسف احنا بنرددها من غير مانفهم
اتمنى ان تتغير هذه النظره
ياريت تشاركونى ياترى رايكم زى رايى ولا هناك من يختلف

جزاك الله يا اخي عما كتبت يمناك


بالفعل وجهه نظرك صح وانا معاك في كلامك يعني معلش انا اسف للي ميعرفش يقول ايه عدس انا مثلا واخد خدمة اجتماعية


كل ما حد يسئلني انت واخد ايه اقول خدمة اجتماعيه يدير وشه الناحيه التانيه ويعتبرك زيك زي للي واخد ابتدائية ولكن انا

بصراحه بعد ما كنت بكرهها وانا في اولي خدمة اجتماعية ولكن بعد ما اتخرجت عندي احسن من اي كليه تانيه برغم طموحي كانت غير كدا والحمد لله للي انا فيه حالا بفضل الخدمة الاجتماعية

اخى العزيز /احمد حافظ

والله وبدون مجاملات رايت اسمك اسفل الصفحه

وكنت انتظر مرورك على موضوع لى

وها الحمدللله قد تحقق ما اريد

فبارك الله فيك وحفظك ورعاك ويارب دايما منور بيتك ومنتداك

........

وبالنسبه لهذه النظره اخى وللاسف
يعنى ممكن تلاقى واحد يعنى شكلو مش كويس يعنى مبهدل
ومش مهتم بمظهره خالص ولاحول ولاقوة الا بالله
وتجد واحد تانى من اياهم الى لسه كنت بتتكلم عليهم
يشوفه فيبصلوا باشمئزاز ولكنه بمجرد ان يعرف
انه طالب فى كلية طب
تلاقى المعامله اتغيرت خالص
حضرتك وسيادتك ويادكتور وماشااااااااء الله ربنا يوفقمك
سبحان الله
ولو جربت وكنت قلت للى سالك وقلتلوا انك ف كلية طب مثلا
كان هيقولك دكتور احمد او احمد باشا
وانا اتشرفت بمعرفة حضرتك
هى كده
بلـــــــــــــــــــد شهـــــــــــــادات صحيح

مفاهيم ومعاني اتعودنا عليها


ف الدول المتقدمه مفيش فرق بين اي اتنين


مفيش فرق بن الباشا والزبال


لان عندهم كل واحد مهم في مجاله وعمله

وزي ماهم ميقدروش يستغنو عن الدكتور برضو فاهمين انهم ميقدروش يستغنو عن الزبال


بس زي ما بيقلو دا سلو جمهوريتنا


بما اننا للاسف من الدول ال...

فالقمه عندنا مش ان يكون ليك دور

القمه عندنا دورك ايه

مع ان كل الادوار مهمه ومترابطه


فكره خاطئه بس دي من المفاهيم اللي مش هتتغيبر الا بتغير حال البلد


اقولك علي حاجه


لو دكتور مر ع الموضوع


هيقول......ايه النفسنه دي

ههههههههههه





هقولكم علي حاجه

انا كنت بذاكر في ثانوي ليل نهار
عشان اجيب مجموع يرضي اهلي

بس عمري ما حبيت اني ادخل طب

بس عشان ارضي اهلي

والحمد لله علي كل حال


ونتيجه للفكر الرجعي


فيه طلبه كتير خسرو رغباتهم في انهم دخلو الكليه اللي بيحبوها

لانهم طبعا مجموعهم عالي ومينفعش يدخلو كليه اقل

ولله الامر


الحمد لله الذي رزقني ما اريد

وانعم علي بما احب






مشكور اخي رائد

وناسف ع الاطاله

موضوع فى الصميم والله

أولا بشكرك ع فتح باب مناقشه فيه اخى رائد

ثانيا مش عارف ليه حكوماتنا بتحب تقتل أهدافنا

بمعنى لو نظرنا نظرة للعالم الأوربى

وسر تقدمهم وتفوقهم لوجدنا انهم قامواا بوضع أسس ناجحه لأبنائهم

زى انهم يجعلوا الطالب بعد مرحله الثانوى بغض النظر عن مجموعه انه يخش اى كليه حاببها

وطالما داخل الحاجه اللى حاببها حينجح فيها وبالفعل هذا ما حدث وبيحدث

انا شايف ان جميع كليات منظومه واحده

اهم حاجه الشخص اللى جوه منظومه دى عاوز ايه

رايح فين ... باصص لايه

لو قدر يحدد هدفه .. لو قدر يحب كليته ويعطيها من الجهد والعرق كتير

اكيد حيبقى احسن من اللى فى طيران او طب او اعلام

كل واحد فينا ليه طريق بيسلكه غير تانى

وكلنا منظومه بيعمل كل واحد فينا ع خدمه تانى

اللى فى تجاره بيخدم الدكتور

واللى فى طب بيخدم اللى فى تجاره

ياريت فعلا النظرة دى تتغير ،

وكلنا نبص لبعض بنظرة احترام وتقدير عما هو فيه ،

جزاكم الله خيرا ،

ماشاء الله لاقوة الا بالله

والله لقد اسعدتنى مشاركاتكم كثيرا

اخوتى الكرام

بــــدورمنتــــــــــــدانا

مراقـــــــــــــــــــــــــــــــــــــــب منتدانا

استــــــــــــــــــــــــــــــــــــــــاذنـــــــــــــــــا

هى مفاهيم خاطئه ونامل ان تتغير

وان تكون ثورتنا ليست على راس نظام

ولا على النظام نفسه فقط بل ثورة على النفس لنصحح هذه المفاهيم فى انفسنا

ومن ثم نخرج بفكر جديد ورؤيه واضحه

نعمل على تحقيقها

الله يبارك فيك اخى رائد


موضوع جميل ومهم جدا

نحن نعتقد فى اشياء اعتقادات خاطئه مثل الذى قلته

وهذا ليس من الدين ولا اى عقل يرجحه

كل انسان لهو وجه نظر تختلف عن الاخر لا يجب ان نقول مثلا كما قلت

حضرتك على الكليات ان هذه هيا القمه وهذه والاخرى فى الارض

وانا مع كل من سبقنى فى الراى

وجزاك الله كل خير

اهلا ومرحبا بك اخى احمد رضوان

وها هى اول مشاركه لك فى موضوع لى

اتمنى الا تحرمنا من اطلالتك التى عطرت صفحتى



حمدلله على سلامتك اخى نبراس

ويارب دايما منور بيتك

اسعدنى مرورك كثيرا