محشي الطماطم اللذييييذ

النهارده جيبالكم محشي الطماطم


يلا نشوف







**************

*عدد من حبات الطماطم*

*نغسلها كويس ونقطعها من مكان العنقود ونطلع قلبها*

*طبعا مش هيترمي بنزود عليه 4 طمطمات ونخلطهم في الخلاط*

*بنقشر بصله كبيره الحجم ونغسلها ونفرمها ناعم *

*نضيف لها 4 معالق سمن كبيره ونرفعها ع النار لما تحمر *

*نضيف لها الثوم المهروس*

*ونقلبهم مع بعض *

*نضيف الطماطم الخلوطه ونقلبهم ونسيبهم لما يتسبكو يعني *

*ننزلهم من علي النار ونضيف لهم 2كوب رز بعد ما يتغسل ويتصفي ونقلبهم*

*ونحط الفلفل الاسمر والبهارات والملح والكزبره الخضرا والشبت*

*ونقلبهم مع بعض*

*نجيب الطماطم و نحشي الطمطمايه لحد ثلاث اربعها *

*ونرصها في حله*

*ممكن نحط في اسفل الحله بطاطس مقطعه حلقات*

*ونزود الميه 2 كوب ميه منضاف لهم معلقه صلصه وعليهم ملح وبهارات وفلفل*

*ونرفعهم ع النار للغليان ونهدي النار عليهم خالص لحد ما يستوي المحشي*

*والف عااااااااااااافيه*

مع تحيات*

مطبخ بحر الامل*


.

المحشي وصل يا ناس يا عسل

تسلم ايدك يارب يا احلي عاشقه

شكرا لك استاذي عبدالله

نورت الموضوع

اكيد عشره علي عشره مش انت القائد

بس جرب وقول رايك

شكرا لكم اخواتي

حفصه

و

بدر البدور

نورتووووو

.