ماذا لو ان الثورة منجحتش

كنا هنلاقى ناس كتيرة جدا طالعة بتقول: (أنا من يوم ٢٥ يناير وأنا بايت فى ميدان.. مصطفى محمود)».

قال أحد الأصدقاء الذى شارك فى قيادة إحدى اللجان الشعبية: «كنت هاكمل عمرى من غير ما اتعرف على جيرانى فى العمارة».

«بدل أغنية حمادة هلال (شهداء ٢٥ يناير راحوا ف أحداث يناير) كنا سنستمع لأغنية (أستاذ جمال مبارك ابن الريس مبارك)».

«كنا هنفضل عايشين على ذكرى الأهرامات وجون حمص فى إيطاليا والدقيقتين بتوع ماتش البرازيل وجون مجدى عبدالغنى فى كأس العالم اللى بيذلنا بيه لحد دلوقتى».

بالنسبة للوزراء أبوالغيط فى مؤتمر صحفى: «مش قلت لكم احنا غير تونس؟!»، منح العادلى قلادة النيل، أحمد زكى بدر بدل ما هيحول المدارس تجريبى كان هيخلى البلد كلها تجريبى، بطرس غالى يفرض ضريبة جديدة وهى ضريبة انك لسه عايش فى مصر، كانوا هيلغوا يوم الجمعة.. هيبقى خميس سبت على طول، مانشيت الأخبار «ضبط ٨ ملايين من مثيرى الشغب»، شعار مؤتمر الحزب ٢٠١١ «علشان تبقى تعمل راجل تانى».

: «كان المستشار مرتضى منصور هيطلع السى ديهايه بتاعت مارك ذكربرج مخترع الفيس بوك».

«كان محمود سعد هيشترى كل بيجامات العالم بالتسعة مليون اللى كان بيقبضهم ويقعد يغير فيهم فى البيت».

«بعد تنحى مبارك لأسباب صحية وتولى جمال كان سيخرج علينا على الدين هلال، قائلا: «هرمناااا هرمنااا لنصل إلى هذه اللحظة التاريخية».

بخصوصى أنا «ماكنتش هقدر او حد يقدر يتكلم بحرية كدة...................»، أو كنت هاختفى للأبد بعد انتشار لافتة «مبارك طير انت».

سيظهر شعار جديد «ارفع راسك فوق لما تشوف حلمة ودنك».

شعار آخر كنا سنراه «أنا هانتخبك يا ريس حتى لو دمى سال.. ولو انت ماترشحتش هانتخب ابنك جمال».

بالنسبة للفن (تامر حسنى يقدم لنا أغنية «كدهوه» ردا على أغنية محمد منير «إزاى»).

وبالنسبة للرياضة «أمن الدولة كان هيشارك بفريق فى الدورى.. اسمه (اتحاد الملفات)».

بالنسبة للعالم العربى «كانوا الليبيين هيصرفوا نظر عن الثورة».

وبالنسبة للبرلمان «فتحى سرور يضع على مجلس الشعب لافتة الدخول للوطنى فقط ويجبر الأعضاء على تغيير صفتهم يا وطنى يا كوتة».

أنا شخصيا ظللت أنتظر إجابة بعينها، وعندما فقدت الأمل ظهرت هذه الإجابة تتهادى أمامى بثقة وشموخ وبساطة.. «لو كانت الثورة مانجحتش.. كنا هنعمل ثورة تانى وتالت ورابع حتي اخر قطرة دماء».

لكم التحية ابو احمد