ليش الزمن ضدي

أنا من وين ماوجهت ألا قيها شقا وهموم

أروح يمين وإلا شمال تعثرني مسافاتي...

أنا اللى صافي قلبي ولا أحمل حقد أو لوم

أحب الخير..لي ..وللغير وهاذي كل غاياتي..

أنا ليش الزمن ضدي ولاعمره ضحك لى يوم

ولو حتي ضحك لي ...تكدر باقي أوقاتي ..

بكيت ونحت لين إنه تبين في عيوني وسوم

قريب الشوف من عيني يروح من دموعي وعبراتي ..

شكيتك حالتي يالله وأنا مالي عن المقسوم

إليا ضاقت بي الدنيا مالي غير أهاتي..

أنا ياحظ وش سويت.. ليش حظي معك معدوم

جزاي إني عطيت الحب وزدته فوق طاقاتي ..

أنا لو صحت أو طحت فلا ظني أبد ملوم

ولا ظنيت بالدنيا أحد مثلي يعاني كثر وناتي ..

أنا رحال وفي دربي عواصف تحترق بسموم

أنا كلي رجاء بالله ينور لي متاهاتي ..

بديت أيأس من الدنيا وأحس إنه مابقي لي لزوم

ألا يالله عوضني بأخرتي ..... بجناتي..

وإلى ودعت هالدنيا ودفنتوني ! وعلي رجوم

على الله لو تذكرني سبايب كل معاناتي..

صحا قلبه وعرف إني بعده حالتي حالة المعدوم

بعد مافات الوقت وش يرجا تساوت كل حاجاتي........