مختارات للشاعرة الهنوف بنت خالد ..!!
كيف أنسى ؟
وصورته في عيني ترسى !
كيف أتجاهل [ حنين ]
يسكن بقلبي سنين ..!
طمنيني
كيف حاله ؟
عايش بـ دنياه سالي
وإلاَّ يذكرني فـ باله ..؟!
وإن سمع صوت [ الأماكن ]
لا تخلينه يردد :
صاحبك ياقلب روّح
بس باقي فيك / ساكن ..!!
كوني حضن ٍ من أمان
إشعلي فيه الحنان ..
ولاتصيري مرّه ضده
إنتِ مع هذا الزمان !
بشريني ..؟!
هاااهـ
حققتي وصاتي ؟
إبتدى ينسى فؤاده ؟
كلمة آهـ ٍ من شفاته ؟
إن شكى ..
احضني الشكوى بـ قلبك
واحتويه ..
وان مرض ..
اسهري بـ ليلك
وضمِّي الآهـ بيه ..
وان هو مره فيك أخطى
إحضنيه بـ حب ،
وداري العيب فيه ..
وان ضحك
قولي : أحبك
دنيتي محلوّه فيك ..!
وان سأل مرّه علي
قولي بـ إني بخير
حتى لو شفتيني مره
مت من شوقي عليه
كوني له قلب ودفا
ولا تخونين الوفا
ولاتخليني فـ ترابي
أنطق بكلمة [ أفا ] ..!
لما أكرهني بملامك
واسمع فـ قلبك كلامك :
هذا ليه الحين يسأل عنها !
وهي باعته !
حببتني فيه
و..
رااااحت !!
يعني إهيا خاااانته !
لنّي قبل اكتب وصاتي
كنت أشرب دمعته
مت وأهديته " حياتي " !
همِّي ألمح بسمته
همِّي ألمح بسمته
الله كاتب له ( يموت )،
قبل : ما يوصل مكاني
كان طيِّب في حياته
يبتسم لي وهو " يعاني "!
" صعب ألقى إنسان مثله
ممتلي عِزَّة وشهامة " ،
ليت ربي اللي أخذني
وبيده نزّلني لـِ قبري
ولا يجي هـ اليوم اللي
أوقف بدونه | أمامه !
كان حبه من وفا
نبض من صدق و دفا
( طهّره ) ربِّ فمصيره
نور هالدنيا ( طفى ) !
نور هالدنيا ( طفى ) !
نور هالدنيا ( طفى ) !
بلغوه إنِّي : [ أحبه ]
بس ردّتني | " ذنوبي "
وإني مشتاقة لوصله
لولا :
صوت قريب صوبي !
كان صوت من الصلاح
و
الطهارة
و
الفلاح ..!
إبعدي عنه
( حرام ) ،
خافي من ربك
و
توبي !
في ليله :
مليانه وفا ،
توّجنا ليلتنا : بـِ زفاف !
ليله نسمّيها :
" جنون "
أو
نبض | من طهر و عفاف !
لا تفكّر في مصيري
وكيف بحيا في بعادك !
تبقى :
أغلى شخص عندي
مهما :
توهمني بسرابك !
وببقى :
أصدق قلب حبّك
وأدفى نبضة
" تموت فيك "
وانت | لا تطوّل غيابك
[ طفلتك ]
حنّت كثييييييير !
جيت ولا رحت [ عادي ]
أدري ما همِّك بعادي
وادري إني قد فشلت
ولاقدرت اوصل لقلبك ..!
أدري بـ إنِّك تبيها ..
شايفة عينك عليها
لاتكذِّبني .. وتكذب
روح
اهجر
موت
اغدر
بس لا تظلمني
إبعد
وأكتب جملة وأذكر كتبناها سوى مرّه
واكسّر هالقلم .. واصرخ لا عاد تعيد هالكرّه !!
قلم مسكين وش ذنبه ؟؟ جزاته خفف همومي !!
يعيّشني معه والقاه
يسولف
وابتسم ويّاه
بكيته بس عرفت اني
ولا اسوى شي من دونه
تهون الدمعة في عيني
وابيع الفرحه بسنيني
و افقد فرحتي
[ عادي ]
لو افقد بسمتي
[ عادي ]
لو افقد أيْ شي
[ عااااااااااااااااادي ]
ولكن ما افقد عيونه !
وش اللي صار بسنيني ؟؟
أبد بس حالي متألم !!
تفضّل
تفضّل واقرى في عيني
ملامح [ حلم ] متحطم !!
تشوف الكون كيف اسود ؟
تحس فْـ حالتي بالضعف؟؟
أنا ويّاه قويّة حيل
أبيّه صامدة ما اميل
ومن بعده غدينا اصحاب
أنا واحزاني والمنديل !!
تعال :
بس افتحه صدري
وش اللي لقيته في عمري ؟
حلم مذبوح ؟؟
أمل موجوع ؟؟
ضياع ودموع؟؟
قلب مكسور؟؟
صدر مخنوق
ثمار [ فراقه ] لهالـروح !!
غيابه زوّد آلامي
خناجر مع وجع وآلام
غيابه حطّم احلامي
وصرت آعيشه بأوهام
شكى قلبي من احزانه ؟؟
أبد والله عزيز القلب !!
أقول بضحك على شانه
ودمعي يسيل مني غصب !!
صحيح هذا الزمن قاسي
زمن سارق أعز ناسي
بحاول أحيا
و أفرح !
بعاند يازمن واجرح
بطيح
لكن عشان اذبحك
أبوقف يازمن واضحك
وش بقى لي غير دمعٍ بعد ماهم .......... غسلوك؟!
وش بقى لي من فقدتك [ غيـر ] صـورة لـك فبالـي
آه لوّ تحس فيني بعد ماهـم .......... كفنـوك !!؟
كنـت [ اهـزّك ] قـوم يالله إمسـح دموعـي ياغالـي
قوم مزحك ماهو وقته بسّك انته .......... واحملوك !!
وصرت اتمتم [ ويـن رايـح ] ليـه تتركنـي لحالـي ؟
هذا يضحك لسّـه عايـش وفجـأه عنـي [ أبعـدوك ] !!
ليه عني تبعـدووووه واهـوا مستانـس قبالـي !!!؟؟؟
رد ياثوبـه [ علامـك ] ليـه تـرضـى يشلـحـوك ؟
أحتضـن ميـن فغيابـه ثـوب [ مرمـي ٍوخـالـي ]؟
ربــي إرحمـهـم عـبـادٍ كـبـروك وعـظـمـوك
ربـي ماهـو كفـر منـي ربـي إغفـر لـي هبالـي
ياطهر هالأرض جيتك حامل الشـوق بهـواي
جيت أبعثر كل خـوف ٍساكنٍ بك من سنين
وجيت بتعذّر لأني أدري تعّبتك معاي
وانتِ من طيبك صبرتي ساكتة وتتجرّحين !
ياما ناديتي وياما كنت أتمادى بخطاي
و كنت دوم آدوس قلبك حتى بس تتألمين
كارهٍ نفسي وقلبي شوفي متخبي وراي
مستحي مني ولكن طالبك بس تصفحين !
بس قوليلي علامك ؟؟ ماتلبينه نداي
وليه صاير بس أسمع حشرجة ودمعة وأنين؟!
وليه ما اشوفك سعيدة ولا تطيري في سماي ؟!
هيه يا إنتي علامك ؟! ماتقولي كلمتين ...؟!
ثم قالت في تأني .. آهـــ يا مصدر شقاي
لما ناديتك تعال ... بعتني في غمض عين !
كنت عطشانة وإنتَ كنت ماتروي ضماي !!
وآنا في عز احتياجك واقف ٍ ظلي يمين !
ماوفيت إلا لعينك وكان صدّك هو جزاي
حتى فم الصرخة فيني أتعبه كثر الونين
ياما ناديتك وياما كنت انا أسمع صداي !
وجيتني فـ ْ آخر حياتي شوف حالي صار وين !
آنا حللتك .. تبسّم ومنّك أطلب ياغلاي
لا أشوفك بعد موتي جالس لحالك حزين !
وارحلت وانا أتمتم من لي بعدك يادفاي !؟
من يداويني بشـوقه .. لا انجرح فيني الحنين ؟
من أبسهر عند بابه وان مرضت اهوا دواي
من هو اللي في غيابي راح يذرف دمعتين!
وان تماديت ونسيته يتعبه مَرّه جفاي
وان أنا جيت وعذرني مااسمع الا آهتين !!
من هو قلبه مثلك انتِ لا اطعنوني ياوفاي
بقضي هذا العمر كله فاقدك في كل حين ،
إيه أنا صحرا وخسرته اللي يسقيني بماي
مافقدت أي شي "غيري" صرت انا ما أدري مين !
الجمعة 21 أغسطس 2009 - 13:44
